12 ka kandidata magtigi sa Miss Lapasan 2019

CAGAYAN DE ORO. Gipresenta sa atubangan sa media ang mga kandidata sa Miss Lapasan 2019. (Steph V. Berganio)
CAGAYAN DE ORO. Gipresenta sa atubangan sa media ang mga kandidata sa Miss Lapasan 2019. (Steph V. Berganio)

ILOGAN sa 12 ka mga kandidata ang titulong Miss Lapasan 2019 karong umaabot Agusto 14, 2019 sa Barangay Lapasan, dakbayan sa Cagayan de Oro.

Usa lamang kini sa highlights sa dakong kalihokan sa maong barangay subay sa ilang kasaulogan sa kapistahan.

Ang mga kandidata gilangkuban nila ni 1. Kathlyne Joy Yamoway, 2. Katheryn Guipetacio, 3. Trixie Dhale Talle, 4. Mary Kaye Catipay Sarmiento, 5. Christel Manuelen Salcedo, 6. Lizzie Bacor, 7. Christine Lou Daguplo, 8. Allyzza Jesusa Llenas, 9. Louise Imee Vasquez, 10. Rasmia Jamito Lampah, 11. Jackielou Capatan Kyamko, ug 12. Hanna Quidic.

Adlaw’ng Dominggo, gipresentar kini sila sa barangay ngadto sa mga sakop sa prensa sa Cagayan de Oro kon asa ilang gitubag ang mga pangutana sa mga sakop sa prensa.

Ang tanan adunay talento ug kasing kasing nga ang pagrampa dili lang pagwapahay apan adunay kasing kasing sa pagpadayag sa ilang mga adbokasya alang sa kalamboan sa ilang barangay.

Pipila sa ilang gipakigbisogan nga makat-onan sa kabatan-onan kining pakigbatok sa teenage pregnancy, pag-edukar sa insaktong paglabay sa basura nga kinahanglan sugdan sa kaugalingon ug sa panimalay ug labaw sa tanan pakigbatok sa ginadili nga druga. Bout sab nila nga ang awareness dili lang kutob diha sa social media apan itudlo ngadto sa kabatan-onan aron maoy mahimong tingog kanila.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph