NAKASUGAT og nagkadaiyang reaksiyon ang uwahing pamahayag sa presidente nga ang Gilas Pilipinas dili gyud makadaog sa mga tag-as nga nga mga nasod, ilabi na batok sa Italy sa opening day sa Fiba World Cup.
Sa samang higayon, ang presidente misugyot nga adto na lang mopusta sa team sa China.
Kini iyang gipamulong atol sa oath-takaing ceremony sa mga Filipino-Chinese businessmen sa Malacanang, sa niaging adlaw.
Tungod niini, pipila ka mga nitizens ang mipadayag sa ilang kasagmuyo og misaway sa kakuwang sa presidente og suporta ngadto sa Philippine squad.
Ang Pilipinas nabaniog na sa tibuok kalibutan kon unsa ka mahigugmaon sa natad sa basketball. Kini makita sa ilang hugot nga pagsuporta sa national team.
Apan pipila sa mga nagsunod sa Philippine basketball ang nakasaway sa gipadayag sa presidente tungod kay alang kanila dako kining sukwahi sa usa ka lider nga angay unta nga mo-encourage sa team.
Hinuon duna usay midepensa sa Presidente ug mihulagway nga ang gihimo niini mao lang pagsulti sa kamatuoran ug paghagit sa Gilas aron ilang mabuntog ang Italy.
Ang gitas-on sa ilang mga kontra maoy gitumbok ni Duterte kon nganong dili makadaog ang Pilipinas sa Italy.
Iya usab nga giluwatan nga mas maayo nga adto na lang mopusta sa Chinese team.
Usa sa mga mipadayag sa iyang reaksiyon si kanhi PBA player Jason Webb.
"I plan to cheer for our national athletes even if their chances of winning may be slim.," tweet ni Webb sa social media.
Iyang gipasumbingay nga mas maayo pa nga motan-aw na lang siya og basketball kay sa makig-away siya sa China kinsa maoy mo-host sa Fiba World Cup karong buwana.
Gituohan nga si Duterte moabiba alang sa Gilas sa dihang mobisita kini sa China atol sa maong kompetisyon.
"May basketball naman dun... Wala, talo tayo, walang laban," ni Duterte pa. "Sa China na lang tayo magpusta.
Apan iya usab gipadayag nga kompiyansa siya nga mapildi sa Gilas Pilipinas ang Angola.
"Angola, pwede natin ilibing ng buhay," dugang niya.
Iyang gitug-an nga makig-uban kaniya ang vice-president sa China nga motan-aw og basketball ning higayona.
"The vice president of China himself will accompany me in the basketball game. It's a break in protocol. Why would I quarrel with them? Will the vice president of America escort me if I go there?" pika sa president sa Amerika. (JBM)