DCC nanghawod Kadayawan Karatedo

ANG Davao Central College/Inawayan Karate Ryu Inc. nanghakot og medalya sa 34th Kadayawan Invitational Karatedo Tournament nga gihimo sa NCCC Mall Buhangin, Agosto 3 ngadto 4.

Sila ang giilang overall champion sa men’s ug women’s division nga mibitbit og duha ka bulawan, lima ka silver ug duha ka bronse.

Si Gael Ventero nangarate og duha ka gold sa kata ug men’s kumite +68, si Reyna Marie Flores miangkon sab og duha ka silver sa women’s individual kata ug women’s -55kgs kumite; si Jovera Osmena midaug og usa ka silver sa women’s -61 kgs kumite; si Neil Algarme may usa ka silver sa men’s -61 kgs kumite, Raymond Bacalla milabni og usa ka silver sa kata (IKR Doc. Ocampo) ug Al Nazem Ubod miangkon sa usa ka bronse sa mens -68 kgs kumite.

Ang tim mapasalamaton kang CCJE-OIC program head Ms. Aimar Mondejar sa suporta, lakip na kang Dr. Ruben Dela Cruz nga presidente sa tunghaan.

Ang tim gigiyahan sa instructor nilang si Renshie Edil Flores.

Related Stories

No stories found.
SunStar Publishing Inc.
www.sunstar.com.ph