SUKWAHI sa naunang giplano, may gihimong kausaban sa Dance Sport Competition sa Monkayo, Compostela Valley Province.
Sa uwahing advisory nga naka-post sa Municipal Youth Development Unit - Monkayo, giingong ang Local Youth Development Council ug Dance Sport Committee nagkauyon sa kausaban nga ipatuman sa Dance Sport Competition nga himuon unta sa Agosto 13 sa Monkayo Dome.
Suma pa nga tungod sa pipila ka konsiderasyon, inay magtigi sa pabonggahay og sayaw, himuon na lamang ang Dance Sport Workshop sa samang petsa, 9am ngadto 5pm, diin kini libre sa tanan.
Suma pa nga aron mas mabaid ang talento ug abilidad sa pagsayaw sa mga dance sport enthusiast sa munisipalidad ug mas daghan pa ang makat-on.
Magsilbing trainers sila Ferd Kinneth Tagunayon ug Dave Emmanuel Tagunayon.
Si Tagunayon migradwar sa De La Salle College of Saint Benilde Manila School sa Design and Arts.
Mikuha siya sa kursong Bachelor of Performing Multimedia Arts Major sa Dance and Music.
Siya miyembro sa Cultural Center of the Philippines Ballet Philippines; representante sa Philippine Arts and Music Advocate nga gihimo sa Beijing, China.
Siya sab ang naggiya sa FM Toril DanceSport Team ug affiliate member sa Filipinas Ballroom Amateur League.
Tungod sa kahawod niyang mosayaw, midaug siya og duha ka gold sa IDTA Hong Kong Open to the World Ballroom Championship sa Shatin Hong Kong, Nobyembre 2018.
Samtang si Dave, usa ka National and international dance sport competitor.
Milabni sa siya og gold medal sa Krystal Cup Hong Kong.
Ang kalihukan parte sa Linggo ng Kabataan: Hugyaw Monkayo 2019.