“DAGYAW”. Kini ang hiligaynon sa pulong nga bayanihan gikatakdang ipahigayon sa Agusto 8 sa Barangay Nazareth Gymnasium kon asa moabot 800 ka partisipante gikan sa nagkalain-laing probinsya sa Northern Mindanao ang mahimong makapaabot sa ilang mga concern, o mga problema, nga giatubang ngadto sa gobyerno ug makisayod sa programa sa administrasyon ni Presidente Rodrigo Duterte.
Gibutyag ni Department of Interior and Local Government (DILG) regional director Arnel Agabe nga giimbitahan nila ang nagkalain-laing civil society, organization academe, business groups, public sector unions, people’s organizations, ug nagkalain-laing sakop sa media sa tibouk rehiyon nga maglambigiti sa kalihokan.
Gipasaot sab niini nga adunay tulo ka mga butang nga ilang hisgotan mao kini ang violent extresism, panglawas, ug general development.
Rason niini nganong gimugna aron ang katawhan nga anaa sa pinaka ubos nga bahing sektor makapaabot sa ilang yangongyo ngadto sa gobyerno.
Gawas niini bout sab nilang ipaabot ang mga maayong nahimo sa administrasyong Duterte nga wala pa nasayran ug nahibaloan sa kadaghanan.
Dili lamang ang DILG ang nanguna ning maong programa, apan lakip ang Department of Budget Management ug ang Presidential Communication Operations Office sa pagpangulo ni Undersecretary Martin Andanar.
Matud sab ni Agabe nga naglaom siya sa katawhan nga mopartisipar niini ug makiglambigit aron kung unsa man ilang yangongo daling maaksyunan.