LAMING mga putahe sa pagkaong Bisdak ug Pinoy, limpyo, hamugaway nga dapit ug dunay igong parking area, mao kini ang bag-ong miabli nga Takus Carenderia sa Hernan Cortes St., dakbayan sa Mandaue kagahapon sa buntag, Agusto 8.
Usa ka kan-anang karenderia nga gipanindot ang presentasyon apan ang presyo nagpabiling maabot sa masa sa dapit nga naandan nang kan-anan nga naa atbang sa McDonalds sa eskina sa H. Cortes St. ug AC Cortes Ave.
Abli gikan sa Lunes hangtod sa Dominggo, alas 6:00 sa buntag ngadto sa alas 8:00 sa gabii.
Dunay gamay nga airconditioned function room alang sa gamayng tigom o parties.
Si Karl Alex Sasing maoy nagdumala sa Takus.
Atol sa pag-abli sa Takus, ang pagputol sa ceremonial ribbon gihimo nila ni Sasing, Ma. Theresa Hachamosa Ritchie, Josie S. Pereyra, Mandaue City Councilor and Mrs. Joel Seno.
Sa Takus, insakto ang takus ug takus balikbalikan. (PR)