TALIWALA sa panawagan sa posibleng pagbuhi sa bakuna nga Dengvaxia tungod sa nagkataas nga kaso sa dengue, usa ka opisyal sa panglawas nagsulti nga ang maong lakang imposible pa ning tuiga.
Gisulti ni Health Assistant Secretary Abdullah Dumama, Jr. kagahapon nga ang pagpatuman sa bakuna nga Dengvaxia di angayan nga himuon atol sa "outbreak."
"Unang-una kasi ang Dengvaxia was supposed, was claimed to be effective after first exposure hindi yong hindi kapa na-expose so ang outbreak hindi ka pwedeng mag-introduce din ng vaccines doon sa merong nagkasakit na," pagklaro ni Dumama.
Ang anti-dengue vaccination program gihunong niadtong Disyembre 2017 human ang tiggama sa Dengvaxia, Sanofi Pasteur, nagpahimangno nga ang kontrobersiyal nga bakuna mahimong mopataas sa risgo sa mobakunahan niini nga wala pa masakit og dengue.
Human sa insidente, nitanum kini og kahadlok sa mga ginikanan sa kabataan sa tulunghaan tungod sa sukwahi nga epekto sa panglawas sa kabataan ug hinungdan hinuon og mas grabeng simtomas.
Sa kasamtangan, gipailawom sila sa ebalwasyon sa programa kon ila kining idayon o di.
"Hindi pa natin pwedeng gamitin [ang Dengvaxia] because it has to undergo another series of evaluation, wala pang kasiguraduhan kung ano bang gagawin pero open naman ang Department of Health. Hindi naman sinasara ang pintuan kasi nga ire-review," pagklaro ni Dumama.
Sumala niya nga ang Sanofi, nag-abogar sa Dengvaxia, kinahanglan nga mohatag og sertipikasyon isip tiggama uban sa certificate of product registration (CPR) giisyu sa Food and Drug Administration (FDA) aron makapamatuod nga kining bakuna epektibo ug luwas.
Permanente na nga gibakwi sa FDA ang CPR sa Sanofi tungod sa kontrobersiya.
"We have to ensure that everything is in place at safe and efficient ‘yong bakuna muna. Hindi pwedeng mapag-usapan ng todo ang Dengvaxia as of the moment. Kung Dengvaxia ang gagawin hindi din advisable according to the WHO (World Health Organization) na magbigay ng Dengvaxia during outbreaks," dugang pagtin-aw niya.