DEAR Papa Joe,

Maayong adlaw kanimo ug sa tanang readers niining newspaper. Ako diay si Catherine, 19,tigpaminawan sab nimo sa radyo. Ang akong problema mahitungod sa gugma. Taga Negros gyud ko ug naa ko diri sa Cebu karon kay nangyawat nga maka trabaho ug moasenso.

Usa ka adlaw niana gisugo ko sa akong amo mangumpra sa grocery store para konsumo ug paglabay nako sa usa ka coffee shop, naay niduol kanako nga foreigner nga usa ka Belgian. Didto nagsugod ang tanan, nga kami na. Maayo pa kanako siya adto nga time hangtod nga gihagad ko niya nga magtipon na lang daw mi.

"The Manny Pacquiao Blog". Click here for stories and updates on the Filipino boxing champ.

Tuod man maayo pa ang dagan premiro ug hinatagan sad niya akong pamilya og kwarta. Abi nako mao na to ang tubag sa akong kalisod apan nasayop ko kay kalit man siya nausab pero dili sa gugma kon di sa linihukan. Gusto niya nga kon mag sex mi naay video. So, nasuko ko kay di baya ko tantong bogo nga wa makahibawo sa pagkatag sa video.

Dako kaayo to namong away ug lain na sad kay na-shock ko nga nagdala siya og babaye kay mag-threesome daw mi. Nasagmuyo ko, Papa Joe, kay nabastos ko niya. Tungod ato iya kong gipapahawa sa apartment. Unya lagi kay wa koy paryente diri, nahidiin-diin na lang kog estar sa akong mga kailang katabang sad diri. Karon, Papa Joe, akong nahibaw-an nga mabdos diay ko. Unya unsaon man ni nako nga wa na man mi niya. Di sad mi kasado. Palihog tabangi ko.

CATHERINE

Day Catherine,

Una sa tanan maayong adlaw kanimo. Ako lang ikasulti nga luyo sa unos sa atong kinabuhi, moabot gyud ang kalinaw. Bisan unsa kalubog sa tubig, moabot gyud ang panahon nga molugdang kini.

Paet tungod kay ang kalisod maoy nagtukmod nimo nga mamasin nga makaginhawa sa kinabuhi.

Sayod man kita nga naa gyuy mga foreigner nga bastos kay lagi wala nato matarong pag-ila-ila. Apan di tanan. Depende sad gyud na sa tawo kay naa man ganiy Pinoy nga mopasakit ug magbinastos man pud. About sa imong sitwasyon nga basin mauwaw ka mopahibawo nga mabdos ka, ang maayo nimong buhaton diha mao ang pagduol og abogado nga makatabang nimo pagsang-at og tukmang kaso nga pwede i-forward sa ahensya sa imigrasyon para mapahamtangan nag silot kanang mga tawo nga ingon ana.

Apan kon kon mahasulan ka kay wa kay igong kusog nga ipaproseso nimo then naa ra na nimo kon ihangad na lang na sa kahitas-an.

Ang pagmabdos nimo di malas kay wa ta kahibawo sa kaugmaon nianang imong gisabak. May panahon ra nga motagam ang mga tawo nga manlulupig. Remember God is watching. Do not challenge him but instead be thankful sa mga blessing nga niabot kanimo sa hamubo nga panahon nga nag uban mo sa imong foreigner kay siya ray mag-igo niya labi na nimo. Salamat.

PAPA JOE