KAPIN sa tunga sa milyon ka pesos nga balor sa illegal nga drugas ang nasakmit sa Drug Enforcement Unit aa Cebu City Police Office atol sa gihimong buy bust operation niini pasado 8:00 gabii Agusto 8, Sityo Upper Cogon, Barangay Labangon dakbayan sa Sugbo.
Ang nasikop mao si Jason Generalao Dayap, 23, nagpuyo ra usab sa maong dapit.
Ang dinakpan nakuhaan og 11 ka medium packs, lima ka small ug usa ka large pack sa gituohang shabu nga motimbang sa 80 gramos nga mobalor ang tanan sa P544,000.
Ang suspek nalakip sa watchlist sa CCPO ug giila nga high value target diin taod-taod na nga gipanid-an sa kapulisan.
Gipaubos pa karon sa imbestigasyon si Dayap kung asa siya mag kuhaan sa supply sa illegal nga drugas alang sa follow up operation. (AYB)