MAY pagka-dark comedy ug crime drama nga nagsalamin sa nahitabo karon sa atong katilingban ang tema sa pelikulang Mina-Anud.
Ang estorya naghubit sa mga mangingisda ug magbarkadang surfers sa isla sa Mina-Anud sa Eastern Samar dihang dunay mga tenoladang bloke sa cocaine ang napadpad sa ilang baybayon.
Paspas ang dagan sa estorya (1 hour and 44 mins) diin nagpasad ang mga sensitibong esena sa druga, violence, ug sexual nga siguradong mohagit sa atong salabutan.
“Ako nahirapan ako sa consumption doon sa cocaine. Ano e.. ano bang klaseng reaksyon ang kailangan kong ipakita,” butyag pa ni Dennis Trillo nga usa sa mga bida sa maong pelikula atol sa Q and A nila sa audience human sa ilang special screening sa Director’s Club sa SM Seaside-Cebu niadtong Huwebes sa hapon.
“Bukod doon, well, napanood n’yo naman masaya talaga yung pelikula, parang doon lang talaga ako sa part na yun medyo nahirapan. Ikaw ba nahirapan ka ba?,” komedya pa ni Dennis ngadto sa iyang co-star nga si Jerald Napoles nga kuyog niya sa mall tour.
“Dami ko kayang paghihirap dito sa pelikulang ito. Yung surfing. I really asked Miguel Vasquez, who is one of the cast and staff na you should train me in surfing so I won’t look stupid. I should look like a short board champion,” esplika pa ni Napoles.
“And yeah, that masturbation scene. That was hard. That was very hard. (laughs)... Isa sa pinakamahirap din is the continuity of hair and the skin color because we’ve been shooting it for a year. But it was a good experience,” dugang sa komedyanteng aktor.
Ang maong pelikula mao ang unang full-length film sa Cebuano director nga si Kerwin Go nga nihulagway sa Mina-Anud nga “based on true events.”
Apan iyang gitataw sa interbyu sa Superbalita Laysho nga dili ni usa ka political statement ug dili ni “direct attack” sa kagamhanan. Iya sad giklaro nga fictional ra ang bahin sa PDEA ug ila ra ning gihimo for cinematic entertainment.
Ang Mina-Anud sa Regal Films ug Epicmedia gibituonan sad sa mga Cebuano actor nga Matteo Guidicelli ug Dionne Monsanto ug showing na sa Agusto 21 sa mga sinehan.