Rizal Memorial Complex dili ibaligya: Isko

DILI ibaligya sa siyudad sa Manila ang Rizal Memorial Sports Complex ubos sa administrasyon ni Mayor Isko Moreno.

Kini maoy gipatik sa Public Information Office sa Manila sa ilang social media account sigon sa ilang nasabutan tali sa Philippine Sports Commission atol sa meeting sa city hall.

Wa hinuon ihikyad ang kinatibuk-ang detalyi sa kasabutan apan, matod pa, nga ang panag-iya ug pagkontrolar sa Rizal Memorial Sports Complex nagpabilin nga issue sukad pa kaniadto.

Ang yuta diin gitukoran sa maong complex gipanag-iya sa Manila, apan ang Philippine Sports Commission maoy adunay kontrol sa pasilidad.

Sa niaging administrasyon ni kanhi Manila mayor Joseph Estrada, giplanohan kini nga ibaligya ngadto sa pribadong kompaniya apan gibabagan kini sa pipila ka mga sector. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph