Istriktong pagbantay

MAS istriktong seguridad ipatuman sa Hunat Dabaw 7 Bubble Run for a Cause, Septyembre 8 nga magsugod ug mahuman sa The Royal Mandaya Hotel (TRMH), J. Palma Gil Street, Davao City.

Si TRMH general manager Benjamen Banzon, Jr., atol sa press conference sa nakalabay nga adlaw nagkanayon, “We are not much worried since this is our seventh year. We are strengthening security control measures. We were even scrutinized before we got our permit for this run on how we would manage emergency situations.”

Kini ang iyang pamahayag human sa nahitabo nga kamatayon sa usa ka triathlete nga miapil apan napakyas paghuman sa Kadayawan Duathlon 2019 nga gihimo sa Villa Josefina Resort Village sa Toril.

Suma niya may saktong ihap sa medical team ug security personnel gikan Davao City Police Office (DCPO) uban pa ang personahe sa Dasia Security Agency alang sa aktibidad.

Dunay say i-deploy nga non-uniformed security forces aron masiguro ang hapsay nga fun run nga giapilan sa 3,500 ka partisipante.

“We are confident of these security measures. We are really doing our best so it would be a wonderul experience for the rest of us,” ni Banzon.

Suma pa nga ang kitaon nga gilauman nilang moabot og P500,000, ihatag sa GMA Kapuso Foundation alang sa pagpatukod og tulay nga gisugdan na sa nakalabay nga bulan.

Si GMA Kapuso Foundation executive vice president ug COO Rikki Escudero-Catibog, sa iyang parte, nagpasalamat sa partnership tali TRMH.

Niya, nga ang aktibidad nga Takbo Para sa Tulay ng Pagbabago sa Paquibato, makatabang aron makatigum og pundo nga itukod sa solidong 50-meter hanging bridge nga ginama sa bakal, semento ug expanded metal mesh nga magamit sa kapin dos mil ka molupyo sa duha ka sityo sa Barangay Mapula, Paquibato District.

Ni Catibog, “The DPWH (Deparment of Public Works and Highways) conducted a soil test there. We assure the residents that the bridge will be strong enough to withstand even motor vehicles. We want to give them best that will be there to last for several generations.”

Si Hunat Dabaw chairperson Megzyl Rose Jolejole, nagdugang sab nga registration mahuman, Agosto 31.

Ang bayad P470 (3K), P520 (5K) ug P570 (10K) apil na ang singlet, race bib, breakfast buffet ug raffle coupon.

Ang kalihukan parte sa ika-21 ka tuig nga anibersaryo sa hotel.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph