USA ka nagpadayong biyahe ang pagkab-ot sa tumong nga mahimong usa ka maayong lider.
Kini ang gipamatud-an ni Dr. Reynante Almodiel Solitario.
Siya sab ang utok nga ang iyang buhatan maoy unang provincial Department of Education (DepEd) division nga nahimong ISO 9001:2015 certified.
Nahimugso, Pebrero 1, 1978 sa Asuncion, Davao del Norte, si Sir Rey, nga maoy tawag kaniya sa kaubanan sa DepEd-Compostela Valley division, mipaambit sab sa iyang kasinatian sa kinabuhi, mga kasakit ug kalampusan.
Nakumpleto niya ang iyang Bachelor’s Degree in Secondary Education major in Mathematics sa St. Mary’s College isip Commission on Higher Education (Ched) ug Private Education Students’ Financial Assistance (Pesfa) scholar.
Nakatapos siyang Cum Laude uban ang nagkadaiyang awards, lakip na Leadership Awards gikan sa lain-laing organisasyon.
Mao nga ang paggiya sa iyang ginsakpan nga nagsubay sa international standardization ordinaryo lamang kang Dr. Solitario.
“I always believe that God called each one of us with special mission to lead others and He has prepared the path for us to traverse,” suma niya.
Gikan sa ubos nga ranggo, napromotar siyang assistant schools division superintendent sa DepEd-Comval, Hulyo 5, 2019.
“For me, DepEd Comval deserves the best that’s why we are working for them (the public) and the school children. I believe that an organization must ensure that its products and services are made with a set of standards, and should continually enhance the quality of service that it provides so that its customers will be satisfied,” suma niya.
Dugang pa niya, “The growth and development of people is the highest calling of leadership”, nga iyang gihagpat gikan sa paboritong tigsuwat, John Maxwell.
Alang kaniya ang lakat diin ang pagkab-ot sa DepEd-Comval og ISO certified ang di sayon.
“It was tough during Stage 1 but quite tougher in Stage 2. But everyone in the office believes we could achieve it as we commit to improve the system and live in the maxim, ‘public office is a public trust’.”
Gisagop sab niya ang panultihon gikan Collin Powell ug gipuy-an kini, “If you are going to achieve excellence in big things, you develop the habit in little matters. Excellence is not an exception, it is a prevailing attitude”.
Alang ngadto sa nagkalisud sa pagkab-ot sa ilang mga damgo, partikular sa iyang mga personahe sa DepEd-Comval, siya may mensahe, “Be a winner in every journey. Always go back to the vision and mission and keep instilling the core values.”