HUMAN sa kadaugan, malisod nga tahas ang sagubangon sa Cebu Sharks-Casino Ethyl Alcohol sa sunod nilang mga duwa sa nagpadayon nga Maharlika Pilipinas Basketball League Lakan Season.
Kini tungod kay ang reigning champion San Juan Knights maoy sunod nilang ikakontra karong Agusto 19 ug dayon ang runners-up nga Davao Occidental Tigers sa Agusto 29. Kini pulos adto duwaon sa Cuneta Astrodome.
Niadtong Sabado, ang Sharks milupig sa Muntinlupa Cagers, 79-62, sa usa ka pisikal nga duwa sa Hoops Dome sa dakbayan sa Lapu-lapu.
Ang kadaugan maoy ikaupat nga naangkon sa Cebu-based team sulod sa siyam ka duwa samtang ang Muntinlupa nahagsa sa 3-7 nga baraha.
Ang shooting guard nga si Patrick Jan Cabahug mipabaha og 26 puntos, pito ka rebounds ug duha ka assists. (JBM)