HAMUBO ra man tuod ang kahigayonan, apan daghang leksiyon ug eksperiyensa nga nakuha ang Gilas Pilipinas sa ilang upat ka adlaw nga kampanya didto sa Spain.
Sa pocket tournament nga giulohan og Torneo de Malaga, ang Gilas mipukan sa Ivory Coast, 73-63, sa katapusang adlaw nga igo na kaayong masakmit ang ikatulong puwesto.
“The short tournament enabled us to gain confidence as we enter the last two weeks of preparation for the FIBA World Cup,” matod ni coach Yeng Guiao.
Kadto maoy ikaduhang kadaugan sa Pilipinas batok sa Ivory Coast kinsa ila usab nga napildi sa usa ka tuneup match.
Si Robert Bolick maoy nangulo sa Gilas nga may6 19 puntos samtang 18 puntos usab ang nadugang ni Andray Blatch gawas sa iyang 18 ka rebounds.
Sa ilang pag-uli, dala nila ang 3-1 nga standing human sila napildi sa Congo sa niaging adlaw, 82-71.
Ang host Spain nga gibituonan sa NBA player nga si Marc Gasol maoy nakampiyon pinaagi sa paglubong sa Congo, 79-62,
Maayo usab nga nakasuporta sa opensa sila si Paul Lee ug Japeth Aguilar human kini makatampo og tag 9 puntos matag usa.
Bisan tuod og siyam ra ang nakaduwa tungod sa pagka-injured sa beteranong guard nga si Gabe Norwood, ang Gilas mipakita sa ilang dominasyon ug maayong nakapatuyok sa bola ug minus usab ang ilang turnovers.
Ang tres ni Bolick ug ang four-point play ni Blatche maoy nag-abli sa 12-5 nga rally sa mga Pinoy aron inaton ang ilang labaw, 36-25.
Sa katapusang tres minutos sa third quarter, nakaposte ang Gilas sa ilang pinakadako nga bintaha, 50-38.
Gikatakdang mahiuli ang Gilas sa nasod ugmang adlawa alang sa duha ka semana nila nga preparasyon alang sa Fiba World Cup sa dili pa kini mogikan sa Agusto 29 sa China.
Gipaabot nga makaapil na unya sa ilang ensayo si June Mar Fajardo sa higayon nga mahuman na ang PBA Commissioner’s Cup finals tali sa San Miguel Beer ug sa TNT Katropa.
Mga puntos:
Gilas Pilipinas (73) - Bolick 19, Blatche 18, Lee 9, Aguilar 9, Perez 8, Wright 6, Erram 4, Belga 0, Barroca 0. Ivory Coast (63) - Thompson 20, Edi 15, Kone 11, Pamba 5, Sie 4, Sidibe 4, Bah 2, Baru 2, Pofana 0, Coulbaly 0, Cisse 0. (JBM)