Dear Papa Joe,
Tagua lang ko sa ngalan nga Bulls, 46 anyos na ug ania nanginabuhi sa gawas sa nasud. Di lang nako ibulgar asa para protection sad sa dungog sa akong pamilya diha sa Cebu.
Ulitawo ko technically ug nakarelasyon ko og flight attendant nga nahimamat nako sa akong flight pagbisita nako sa Pilipinas. Mao to nga daghan ang nag ingon nga gipangwartahan rako pero jackpot ko para nako mao nabutahan ko.
Gasto ko sa akong kwarta para sa iyang pamilya, para ma impress sila nako. Gasto sad ko para niya para malipay siya. Pero inig kuyog namo niya, naa iyang mga kaila kay amigo ra pailaila niya nako. Sakit pero mas sakit dihang kalit lang siya nibiya nako ug nibalik sa iyang ex.
Karon gusto ta nako nga bawion bisan katunga lang sa akong nagasto nga million na kapin. Pwede kaha ni? Palihug tambagi ko.
BULLS
Bulls,
Well, kon inato lang nga tambag, kon hatag hatag gyud walay bawi-ay. Pero sa imong kaso, pwede nimo i-establish nga naay pagpangilad ug murag na hypnotize ka ba sa iyang materyales pwertes nga kaanyag nga gihimo niyang puhunan para makagasto ka.
Mas maayo moduol ka og abogado pero naa man ka diha, so mag pa special power of attorney ka kay maglisud man ka o magpa book ka og husay kon mouli ka diri sa barangay pagpadangat sa imong yangungu hangtud makab-ot ninyo ang settlement. Kana lang ug salamat.
Papa Joe
(sa inyong tampo ipadangat lang sa papajoesuperb@gmail.com)