Bugsay sa kadaugan

Tumang panghunat og bugsay sa mga partisipante sa Kadayawan Dragon Boat Festival. Kuha kining hulagway, Sabado, Agosto 10, 2019 diha sa Sta. Ana Wharf, Siyudad sa Davao atol sa unang adlaw sa kompetisyon. (Macky Lim)
Tumang panghunat og bugsay sa mga partisipante sa Kadayawan Dragon Boat Festival. Kuha kining hulagway, Sabado, Agosto 10, 2019 diha sa Sta. Ana Wharf, Siyudad sa Davao atol sa unang adlaw sa kompetisyon. (Macky Lim)

NAPUNO sa kakulba ug kahinam ang uwahing adlaw sa Kadayawan Dragon Boat Festival sa Sta. Ana Wharf, Davao City nga gisugdan Sabado, Agosto 10 ug nahuman Dominggo, Agosto 11.

Human sa semi-final rounds niadtong Sabado, bakbakan ang nagkadaiyang teams sa finals luyo sa naglagiting nga kainit sa panahon.

Ang Kujaw Tiger Dragons sa Cortes, Surigao del Sur (1:35.99) ang nanguna sa Women Small Boat 300m finals.

Gisundan sila sa Dragons del Sur Dragon Boat Team (1:38.20).

Milandig sa ikatulo ang SAG-1 Dragon Boat Team gikan Manila (1:38.47), samtang ikaupat ang United Paddlers Club gikan gihapon sa Manila sa oras nga 1:40.81.

Sa Mixed-Small Boat 300m finals, ang SAG-1 Dragon Boat Team ang mihunat sa unang pwesto sa oras nga 1:25.28.

Misunod ang Boracay Dragonforce, sa Boracay, Malay Aklan (1:25.91), third place ang Braveheart Dragon Boat Team sa Cagayan de Oro (1:26.43) ug ikaupat ang United Paddlers Club sa oras nga (1:27.30).

Sa Mixed-Standard Boat 300m finals, nanggahot ang Philippine Titans og nanguna sa oras nga 1:16.56.

Misunod kanila ang SAG-1 sa oras nga 1:18.96, ikatulo ang Braveheart (1:20.40) ug ikaupat sa pwesto ang Samal Dragons (1:23.06).

Samtang sa Open-Standard Boat 300m finals, milampurnas og kadaugan ang Bugsay Marajao (1:15.50) samtang ikaduha ang Dragon Warriors Davao (1:18.28), ikatulo ang Dragons del Sur (1:19.28) ug ikaupat ang Poliliio Dragonboat Team (1:19.93).

Sa Open-Small Boat 300m finals, ang Bakunawa Dragon Boat Team sa Iligan City, Lanao del Sur ang mibansiwag sa oras nga 1:19.39.

Nabutang sa ikaduhang pwesto ang Polilio Dragonboat Team (1:21.20) sunod ang Philippine Titans (1:22.39) ug United Paddlers Club-A (1:23.46).

Ang Philippine Canoe Kayak Dragonboat Federation (PCKDF) maoy official Technical Officiating team sa kompetisyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph