ALEOSAN, North Cotabato -- Nabugtoan sa iyang kinabuhi ang usa ka mag-uuma nga gidunggab sa iyang igsuon alas 9:15 sa gabii niadtong Sabado, Agosto 10, 2019.
Giila ang biktima nga si Randy Calambro, 39-anyos, minyo, samtang ang suspek mao si Leonard Calambro, 44-anyos, minyo ug molupyo sa Sitio Bato, Barangay San Mateo.
Gibutyag ni Cotabato Police Provincial Office director Colonel Maximo Layugan nga hubog ang suspek og gibuyag kini sa manghud nganong nagsigeg inom ug wala maka-atiman sa iyang pamilya.
Nagkalalis ang managsuon ug naukay ang daan nilang bikil sa yuta nga ilang gi-ugmad.
Tungod sa kasuko sa suspek iyang gidunggab ang manghod gamit ang kutsilyo.
Nauwang sa pamilya ug mga silingan ang suspek dayon gidala ang biktima sa Aleosan District Hospital.
Apan pag-abot sa usa ka oras, nakabsan sa kinabuhi ang biktima gumikan sa grabeng samad-dinunggaban sa iyang tiyan ug dughan.
Boluntaryo sab nga misurender ang suspek sa kapulisan kinsa nagmahay sa iyang gibuhat.