Langan nga pagpabalik sa basura sa South Korea gikwestyon sa konseho

NANAWAGAN si Sangguniang Panlalawigan Member Gerardo Sabal ngadto sa Verde Soko ug South Korean Government nga ipangbalik na ang nahibiling 5,000 ka tonelada sa basura nga taod-taod na gipasalig nga ibalik.

Atol sa sesyon sa Sangguniang Panlalawigan iyang gipaabot nga nagpasalig ang pamunoan sa Verde Soko lakip ang South Korean Government nga ilang tubagon ang tanang galastuhon sa pagpabalik sa basura apan hangtod karon nagpabilin gihapon diha sa sulod sa compound sa Phivedic kon asa ang planta sa Verde Soko.

Niadto pang Hunyo 30 nagpinirmahaay ang kagamhanan sa Pilipinas ug South Korea nga ilang ibalik ang basura apan nganong naa pa kini ning panahona.

Niaging bulan nadakpan ang pipila ka mga residente sa Siyudad sa Cagayan de Oro human ilang gipanghakot ang basura sulod sa Verde Soko maayo na lamang nasapon.

"Nagresulta na hinuon kini sa dugang problema. Some contituents complaining against individuals from Cagayan de Oro went to the town just to scour garbage," matud ni Sabal.

Sa nasabutan ang Philippine government nagsugot nga maoy magrepacking ug magbutang sa container ug transport apan tubagon sa South Korea ug Verde Soko ang galastuhan.

Gani ang unang batch sa basura nga adunay gibug-aton nga 1,400 tonelada ang nabalik na niadtong Enero sa South Korea kon asa ang shipment niini giingong plastic synthetic flakes apan diay delikado sama sa gamit nga baterya, diapers ug dextrose tubes ug uban pa nga mga hospital wastes.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph