GIKUMPIRMAR sa buhatan sa Social Security System (SSS) nga mamahimo nang ma-avail sa mga mabdos ang bag-ong programa ug balaod sa gobyerno nga 105 days maternity leave.
Gibutyag ni Jan Michael F. Olaivar ug Doni Lace Padua, kinsa mga personahe sa SSS, nga kadtong nanganak niadtong March 11, 2019 mahimo na nga maka-avail sa maong programa.
Ila sab gipasabot nga ang bag-ong programa gi-avail na sa pipila karong panahona ug ilang gilauman nga masayran sab kini sa katawhan nga ang 105 days mokober na ngadto sa bisan unsa nga klase sa pagpanganak sama sa normal, caesarian ug bisan niadtong nakuhaan.
Gipasabot sab ni Olaivar nga ang makuha nga kantidad sa usa ka mabdos magdepende sa pila ka bulan ug tuig nga kontribusyon niini.
Giklaro sab nga taliwala paman nga naka-salary loan ang usa ka trabahante ug kun mamabdos kini mahimo niining ma-avail ang duha ka salary loan ug maternity leave.