HUMAN sa lapas 24 oras nga search and rescue operation napalgan ang driver sa Elf trak nga wala nay kinabuhi human kini nahulog sa 70 ka tiil gikan sa tulay paingon sa suba pasado alas 1:30 sa hapon niadtong Agusto 7, 2019 sa Barangay Kitaohon, lungsod sa Kitaotao, probinsya sa Bukidnon.
Giila ang driver nga mao si Cerilo Aligada, 34, minyo, residente sa Barangay Bagong Silang, lungsod sa Maramag.
Si Police Captain Regner Sevilleno, kinsa acting chief of police sa Kitaotao Police Station, miresponde dayon uban ang Philippine Coast Guard sa pagpangulo ni Police Staff Sergeant Ian Xedrick Parado ug didto nasuta nga lawom kaayo ang nahulogan ni Aligada nga moabot ngadto sa 70 feet lakip ang iyang Elf nga nagkarga og 150 ka sako sa bugas.
Matud sa iyang helper sa truck nga mao si Jemuel Lantakot, 23, residente sa Bayabason Maramag, ug Ronelo Linonsag, 35, taga Impasug-og, nga samtang naa sila tabok sa tulay gipakanaug sila ni Aligada aron ipasuta kon maagian ba ang tulay og sakyanan.
Apan gikakurat nila og maayo dihang kalit lang nga misunod kanila ang Elf maoy hinungdan nga nag collapse kini rason nag iyahay na lamang sila sa pagpangdagan.
Maoy ilang nasaksihan nga maayong pagkahulog sa trak gikan sa naguba nga tulay ug lawom kaayo ang nahulogan niini.
Gilusad dayon ang search and retrieval operation apan pakyas sila sa unang adlaw nga operasyon.
Niadtong adlaw’ng Biyernes, Agusto 9, nakit-an na ang patay’ng lawas sa drayber.
Gi-turn over na ang patay’ng lawas ni Aligada ngadto sa iyang asawa.