GISURPRESA sa pagbisita ni Police Brigadier General Debold Sinas, hepe sa kapulisan sa Central Visayas, ang Cordova police station ug gipaubos dayon sila sa kinalit nga drug test.
Matod ni Police Captain Efren Diaz Jr., hepe sa Cordova police station, ng tanang personnel sa police station lakip na siya ang gipaubos sa drug test ni Sinas.
Wala hinuon siya maka dungog nga aduna siyay personnel nga tiggamitan sa ilegal nga drugas.
Pintok, matod pa, ang gibilin nga mensahe ni Sinas kanila human sa drug test nga dili malambigit sa ilegal nga kalihukan.
“Do not involve any illegal activities,” matod ni Sinas.
Padayon ang pag tuyok sa Police Regional Office 7 Director sa tanang police station aron ipaubos sa drug test ang tanang police.
Tinguha niya nga ang tanang personnel sa Central Visayas ang ma-drug test kabahin sa internal cleansing sa PNP.
Sa miaging semana tulo ka mga police sa Waterfront Police Station ang nag positibo sa paggamit og shabu nga gipa ubos sa dismissal proceedings sa pagkakaron. (AYB)