DUL-AN usa ka libo ka mga butane canister ang nasakmit sa mga sakop sa Labangon Police Station sa Sitio Guadalupe, Barangay Punta Princesa, Dakbayan sa Sugbo, alas 10 sa gabii, Dominggo, Agusto 11, 2019.
Nadakpan sa kapulisan silang Victor Cabarse, 43, Jasob Rita Barliso, 18, ug Arvin Canoy Beltran 21.
Gisulod sa sa tulo ka sako ang mga butane canisters nga gisakay sa usa ka Toyota Tamaraw FX.
Anaa na sa kustodiya sa Labangon Police Station ang mga canisters.
Kalapasan sa Presidential Decree 1865 ang ipasaka sa kapulisan batok sa tulo ka mga dinakpan. (Superbalita Cebu)