WALA'Y bisa'g kinsa nga tawo ang andam nga mawagtangan og hinigugma sa kinabuhi.
Bisan si Mark, dili tinuod nga pangalan, 9-anyos apan dili na estranghero sa kasubo human namatay ang tulo ka miyembro sa iyang pamilya sa usa ka trahedya sa dagat usa ka Sabado.
Ang iyang inahan, ama-ama, ug kamanghuran nga igsoon apil sa mga namatay nga Cebuano sa dihang natikyaob ang motorized banca nga gisakyan nila sa Ilolilo-Guimaras Strait kaniadtong Agusto 3, 2019.
Nakuyapan si Mark sa dihang ang lungon sa iyang namatay nga mga hinigugma hapit na ibutang sa sulod sa ilang tagsatagsa nga mga crypts sa Carreta Cemetery, Lunes, Agosto 12.
Ang ubang mga biktima sa trahedya mao sila si Jared ug Bernardo Janson, Dannelle, Angelina ug Romeo Baguio Sr., Romeo Baguio Jr. ug ang iyang anak nga si Jay Arvien.
Ang pamilyang Baguio, mga residente sa Barangay Ermita, Dakbayan sa Sugbo, nagbiyahe sa Guimaras gikan sa Dakbayan sa Iloilo aron makapangayo si Romeo Jr. og permiso sa inahan ni Jay Arvien nga si Maria Nieves Grandeza, nga sila magpakasal na sa dihang nahitabo ang insidente.
Si Grandeza lang ang naluwas sa grupo.
Ang ilang patayng lawas, gawas nilang Romeo ug ni Jay Arvien, gipalupad sa Sugbo pinaagi sa usa ka C-130 nga eroplano nga usa ka transport plane sa Philippine Air Force kaniadtong Huwebes, Agusto 4.
Gidala silang Romeo ug Jay Arvien sa lalawigan sa Guimaras kon diin nagpuyo si Grandeza.
Si Reverend Father Nelson Plomihon, OAR, nga nagpasiugda sa misa sa Our Lady of Mount Carmel Parish-Recoletos, nagpahinumdom sa pamilya, mga higala, ug mga paryente sa mga biktima nga ang nahitabo usa ka trahedya ug unta dili sila mawad-an sa paglaum ug pagsalig sa Diyos.
“We should not question God’s plan. Things happen according to his will. Our lives are borrowed only and this world is just our temporary shelter,” sigon ni Plomihon.
Si Jason Janson, panganay nga anak ni Bernardo, misaad nga mahimong lig-on alang sa iyang pamilya.
“As of now, we are slowly accepting that they are already gone so that they could also be at ease. We have to move on. We have to be strong. As the eldest, I would take the responsibility of becoming the ‘father’ of my siblings,” ingon niya. (JGS)