GIKALIPAY man tuod ni Jayson Castro ang iyang pagdaog sa Player of the Conference award sa 2018 PBA Commissioner’s Cup, apan alang kaniya mas nindot gyud ug mas palabihon niya midaog sila sa Game Four niadtong Dominggo nga maoy posibli untang magyawe nga malangkat nila ang kampiyonato.
“Syempre, masaya ako. Pero syempre, number one goal din namin is makuha yung championship,” matod ni Castro human napildi ang TNT Katropa sa San Miguel Beer nga maoy nagtabla sa series, 2-2.
Kadto maoy ikalimang BPC award ni Castro diin iyang natupngan si Danny Ildefonso sa gidaghanon sa maong award.
“Sobrang na-appreciate ko yun. Sa age kong ito, nakakuha pa ako ng award na ganoon. At least, nakikita niyo pa yung hard work ko,” matod sa 33-anyos nga Kapampangan nga nakutloan sa Spin.ph.
Ang seasoned slasher nag-average og 15.6 points, 5.3 rebounds, ug 6.2 assists aron pangulohan ang KaTropa ngadto sa finals sa unang higayon sulod sa duha ka tuig.
Gihangop man tuod ni Castro ang dugang kalampusan sa iyang karera, apan pabilin nga anaa sa iyang alimpatakan nga wa pa gyud mahuman ang iyang misyon ilabi na kay natabla na ang series.
Ang TNT nabiyaan sa Beermen og 15 puntos, 84-69, apan sa sayong bahin sa fourth quarter hinayhinay kining mipahak sa labaw nga naghatag og dakong hulga sa San Miguel.
Hinuon wa kini makalahutay sa ilang rally sa dihang nahutdan sila sa oras.
“Sa start ng third quarter, ang sama ng execution namin. Ang laki na naman ng hinabol namin,” dugang ni Castro. “For us to win, dapat di kami naghahabol. Dapat nandoon lang kami.And that should come from the defensive end, with San Miguel shooting 49-percent from the field and 40-percent from deep.”
“Yung defense yung magpapanalo sa amin, kung paano namin sila ma-stop,” pag-obserbar sa two-time best pointguard awardee sa Asia.
“Pag maganda yung depensa namin, yung offense napakadali sa amin eh. We need to focus sa defense muna talaga, especially sa pick-and-roll.”
Sa pikas bahin, gibaliwala ni Alex Cabagnot ang giingon nga siya ang barometro sa kalampusan sa San Miguel sa 2019 PBA Commissioner’s Cup Finals basi as iyang solidong performance sa Game 4 nga maoy nagtabla sa series.
“I hope not. It’s a team effort and everybody has to pull their own weight and it shouldn’t be determined on one player’s plus-minus or activity on the court,” padayag ni Cabagnot.
Apan lahi ang panglantaw sa uban. Sa kadaugan sa San Miguel sa Game Two ug Four, si Cabagnot nag-average og 22 puntos sa 59 porsiyento sa shooting.
Sa ilang kapildihan sa Game One ug Three, si Cabagnot igo lang nag-average og 2.5 points. Base sa statistics, sabtonon nga modaog ang Beermen kon nindot ang iyang performance.
Bisan pa niini, si Cabagnot nga panaghugpong sa team maoy lig-ong rason ug iyang gipasabot nga ang tanang Beermen kinahanglan maghiusa usab kon unsaon pagpakgang ang TNT nga gipangulohan ni Terrence Jones, ang best import awardee ning maong conference. (JBM)