17 anyos naghikog kay amot nagasto

TUNGOD sa kaguol nga nagasto ang kwarta nga kontribusyon sa iyang mga classmate sa ilang klase, menor nga lalake naghikog pinaagi sa pag-inom og asido.

Si David Lacrayo, 17, anaa sa senior high school sa usa sa mga tunghaan sa syudad sa Talisay.

Siya napalgan nga patay sulod sa usa ka storage room sa silingan niini sa sitio Ranger, Purok Paglaum, Barangay Pooc, Dakbayan sa Talisay, Sabado sa gabii, Agusto 10.

Ang Talisay Police station nakadawat og tawag alas 10 Sabado sa gabii gikan sa mga residente sa lugar kalabot sa nakit-an nga patay ug niburot na nga lawas.

Si Lacrayo gipangita sa iyang suod nga nga higala human nakadawat og mga text ug chat gikan sa biktima nga susama og nanamilit na.

Wa na usab kini igkita sukad Byernes, Agusto 9.

Ang tigluto na sa ilang silingan ni Lacrayo ang nakabantay Sabado sa gabii nga adunay nanimaho sa ilang storage room, sa pag-abli sa lawak, didto na nakita ang nagbuy-od nga lawas sa biktima.

Dali kini nipahibawo sa tag-iya sa balay ug sa iyaan ni Lacrayo ug ubang silingan. Dali usab nga niresponde ang mga tanod.

Tupad sa lawas ni Lacrayo ang tulo ka mga botelya nga adunay mga liquid chemical, nga wala pa nila nasuta kon sa unsa nga chemical, nga nakuhaan na.

Aduna usab na-recover ang mga pulis nga cellphone sa biktima.

“Nagastos niya (victim) contributions (kwarta) ng klase nila,” text ni Police Major Orlando Carag, Jr. hepe sa Talisay City Police station, sa Superbalita Cebu. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph