ANG Dabawenyo Fide Master (FM) Austin Jacob Literatus miangkon sa Kadayawan Chess Festival 2019 Open title nga gihimo sa Damosa Market Basket sa Lanang, Davao City.
Si Literatus nga gikan sa Toril sa Davao City, mipildi sa laing 6.5-scorers Corsino Maquiling, Jr., University of Mindanao’s John Ray Batucan ug John Christian Lesaca via superior tiebreaks.
Ang top seeded champion, nga kanhi National University (NU) chess varsity scholar ug UAAP gold medalist, ang wa gyud mahuraw sa Swiss System format tournament.
Gipildi niya sila Anthony Mosqueda, Johnnel Balquin, Melchor Arcenas, Jr., Luis Nator, Bienvenido Tipay ug Bernie Padilla sa unang unom ka round, dayon nag-split point siya tali Batucan, nga gikan sab sa Toril.
Ang third-placer nga si Batucan nga milampurnas sa unom ka duwa una ang draw tali Literatus.
Ang kanhi mipildi sab nila Reynaldo Quiñonez, AGM Henry Roger Lopez, Jayson Salubre, Roger Omadle, Michael Cuamag ug Alwin Jericho Uy.
Apil sab sa top 10 sila Quiñonez, Mosqueda, Jeriel Manlimbana, Leopoldo Ordiz, Gino Angelo Asuncion ug John Gerard Acedo.
Anaa sa 145 ka magduduwa gikan sa nagkadaiyang parte sa Mindanao ang misalmot sa kompetisyon nga gipresenta sa city government of Davao pinaagi sa Sports Development Division sa City Mayor’s Office (SDD-CMO), nga nanghatag sab og cash prizes, trophies ug medalya sa mananaug.
Ang aktibidad giorganisa ni National Chess Federation of the Philippines (NCFP) 11 regional director James Infiesto.