KANUNAY pagkaon, kinhason ug paglikay sa baboy maoy sekreto sa usa ka centenarian sa Barangay Looc, dakbayan sa Lapu-Lapu nga nagsaulog sa iyang ika-100 nga adlawng natawhan kagahapon, Lunes, Agusto 12.
Ang centenarian mao si Lola Lucia Ycong Oyao nga molupyo sa Baranay Looc.
Bisan sa iyang pangedaron biskay pa ug makalakaw si Lola Lucia, apan di na hinuon kaayo makadungog ug klaro kung dili hunghongan pag-ayo.
Matod ni Arturo Oyao ang kinamanghorang anak ni Lucia nga nagpangedaron ug 57-anyos nga sukad sauna kinhason nga butangan ug tangad ug kamunggay mao gayud ang kanunay kan-on sa iyang inahan matag buntag.
Gawas niini ganahan usab mokaon ang iyang inahan ug isdang “banghotin” nga un-onan ug ingon man ang kinhason nga “torong-torong” sanglit ang iyang apohan kaniadto usa ka mananagat ug manginhasay sa ilang dapit.
Kung dili isda ug kinhason mga utan usab sumala pa ang kan-on sa iyang inahan.
Panagsa ra, matod pa ni Lola, mokaon ug baboy ang iyang inahan hilabi na karon nga lahi na nga ang mga klase sa baboy karon itandi saunang panahon.
Ang iyang inahang si Lucia maoy ikatulo sa 9 ka mga magsuon ug siya na lang ang buhi.
Siya ra usab ang nakaabot og 100-anyos ug padayahong nagbantay sa iyang mga pagkaon ug panglawas. (GCM)