SECTIONS
Wednesday, August 21, 2019
SUPERBALITA DAVAO

Pulis giiloga’g armas sa rapist

PARANG, Maguindanao Province -- Nabugtoan sa kinabuhi ang suspek sa lugos human giingong nangilog og armas sa babayeng pulis alas 7:45 sa buntag, Dominggo, Agosto 11.

Giila ang napatay nga si Datu Mohamad Acmad, 46, minyo ug molupyo sa Barangay Manion sa maong lungsod.

Matud ni Parang chief of police Lieutenant Colonel Ibrahim Jambiran nga boluntaryo nga misurender sa kapulisan ang suspek nga gilambigit sa paglugos sa iyang pag-umangkon.

Sa diha nga gikuhaan na og mugshot si Acmad, kalit matud pa niyang giilog ang pusil sa pulis nga babaye ug nagpabuto.

Abtik sab nga nagresponde ang laing pulis ug gipusil ang suspek gamit ang 9mm pistol.

Naigo ang suspek sa iyang dughan ug tiyan samtang sa kamot ang samad sa babayeng pulis nga giilugan og armas.

Gipangdala sa pulis ngadto sa Parang District Hospital ang mga samaron apan nakabsan sa kinabuhi si Acmad.

Imbestigasyon sa hitabo gilusad. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph