SUPERBALITA CAGAYAN DE ORO

Todino: Immigration ni Zubiri

ProBono

KON mopasar kining balaodnon ni Senador Juan Miguel Zubiri, masusama na ang Pilipinas sa ubang nasod nga lig-on ang polisiya sa pagdawat og mga langyaw.

Giduso karon ni Zubiri kining balaodnon nga nag-require og visa niadtong mga langyaw nga moduaw sa atong nasod.

Tuod no, makapangutana ta, nganong karon pa man himuon sa atong gobiyerno?

Ang bug-at nga katarungan ni Zubiri mao nga kinahanglan gyud panalipdan sa gobiyerno ang nasod alang sa paglambo niini uban sa katawhan.

Sa ubang nasod, dili ka basta-basta makasud kon wa kay visa. Ug epektibo ilang polisiya pag-kontrol sa ilang ekonomiya ug paglambo sa mga molupyo.

Tinuod, kon mahimo kining balaod magkinahanglan og dakong pundo alang sa pagtukod sa Commission on Immigration. Dugang suhulan ug trabaho usab sa mga tawo. Hinuon, dugang revenue kini sa gobiyerno.

Gusto sab ni Zubiri nga dunay limitasiyon sa gidaghanon sa mga langyaw nga moabot sa nasod – manarbaho man o dili.

Namugna kining balaodnon ni Zubiri tungod sa isyu pagdagsang sa mga Chinese workers sa atong palibot.

Nakaseguro ta nga magsagubang og dakong problema niini atong gobiyerno tungod kay bag-o pa kining polisiyaha unya daghan pa ang angay hapsayon alang sa epektibo ug tiunay nga programa.

Ug dili nato iwakli ang posibilidad, kay nahitabo kini sa ubang nasod. Kon dunay immigration control, naa sab na ang grabeng pangurakot. Timan-i na!

Ang pangutana, angay ba suportahan nato kining balaodnon ni Zubiri? Dunay mga bentaha ug disbentaha sa maong balaodnon.

Apan, sa kinatibuk-an dako kini og kahimoan sa pagprotiher sa atong nasod.

Parehas ra gud ni sa usa ka compound nagpaabang og apartment. Dili kay tungod maka-afford ang mangabang og balay, magpataka ka nalang og dawat.

Kon pasagdan nato ang pagpasud sa mga langyaw, sama karong panahona, nga misud ang uban isip turista unya dinhi na nanarbaho ug nagbaton og pamilya. Unsa may dag-anan sa gobiyerno nato niining mga illegal nga tawo nanimuyo sa atong palibot.

Mapaabot nato kon mahitabo kining balaod, kadaghan kaha ang ma-deport kay nag-overstay na. Daghan pud unya ang maoktaba sa ilang plano pagsud sa Pilipinas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph