MGA driver ug tag-iya sa mga colorum nga sakyanan ang gipakigtagbuan sa City of Talisay Traffic Operations and Development Authority (CT-TODA), Martes sa buntag, Agusto 13, para matambagan nga dili na mupick-up pa ug pasahero.
Kini human nakadawat og suwat ang buhatan ni Talisay City Mayor Gerald Anthony "Samsam" Gullas gikan sa Department of Interior and Local Government (DILG) provincial office kalabot sa reklamo sa nga nadawat sa hotline 8888 sa daghang colorum nga sakyanan nga nagbyahean ug namasahero diha sa Cebu South Coastal Road (CSCR).
Nadawat sa buhatan sa mayor ang maong suwat niadtong Biyernes, Agosto 9, hinungdan nga nihimo og pagpakisayod niini ang CT-TODA ug giawhag kadtong mga operator sa pagtambong sa gipatawag nga meeting ganihang Martes sa buntag, Agosto 13.
Sa maong meeting, nasuta sa CT-TODA nga dili momenus 50 ka nga pribadong sakayanan, multicab, awto, van hangtud na sa mga sports utility vehicle ang mang-pick-up og mga pasahero sa siyudad.
Diha kini sila magtamaan sa may Sitio Laray ug Kimba sa Barangay San Roque ug kutob ra sila dapit sa Plaza Independencia sa siyudad sa Sugbo sa dili pa mubalik ug mangayo silag plete dili moubos sa 40 ngadto sa 50 pesos matag pasahero.
Nasuta sad sa CT-TODA nga sa usa ka adlaw makabyahe kini og ika napulo.
Sa ilang meeting kaganiha, nisaad ang lokal nga dakbayan nga mangayo silag tabang gikan sa Land Transportation Franchising and Regulatory Board (LTFRB) aron matambagan sila sa angay nga buhaton aron matabangan usab ang mga apektadong mga driver.
Nisaad sad ang mga driver sa colorum nga vehicles nga dili sa sila mubyahe samtang magpatabang sila sa LTFRB para masulbad ilang suliran. (FMD)