MIMANDO na si Police Regional Director Police Brigadier General Debold Sinas relibuhan ang tulo ka mga pulis nga naatlan nga nangatulog samtang nag duty sa police station sa Probinsya sa Sugbo.
Matod ni Police Colonel Roderick Mariano, hepe sa Cebu Police Provincial Office nga duha ka mga pulispolice sa lungsod sa Catmon ug usa sa Danao City police station, sukwahi sa unang report nga sakop kini sa kapulisan sa lungsod sa Sogod.
Gipaimbargohan na ni Sinas sa ilang mga armas ang tulo ka mga pulis.
Duha kanila nagranggo pag mga police master sergeant ug usa police staff sergeant.
Gawas sa pagpa imbargo kanila sa ilang armas ug ipa balhin sa Personnel Holding Admin Unit sa CPPO, sila ipaubos sa moral recovery program.
Nakita ni Sinas ang hulagway nga gipakita ni Marino nga gihubo pa ang pa ang sapatos ug hinanok kaayo ang pagkatulog nga naghayang sa sofa.
“Gihubo pa ang sapatos nga naka pantalon pa sa uniform sa pulis, Siguro ipatangtang na nato tong lingkoranan nga kutson nga didto sila nagbulagta kaayo sila naghigda bah,” matod ni Sinas.
Pasabot
Gipatawag na usab ni Mariano ang mga hepe sa Danao ug Catmon aron mohatag sa pagpasabot labot sa pagkasakop sa ilang mga sakop nga natulog samtang nag duty.
Matod niya nga kasong administratiba ang atubangon sa tulo, ilabi na ang usa nga wa mosubay sa saktong sul-ob sa uniporme nga sa dihang nakamata na, wala na ma-insert ang uniporme niini.
Tinud-on ni Sinas ang pagpahamtang sa silot alang sa maong mga pulis kay di siya gusto nga sundon kini sa uban niyang mga sakop.
Niadtong Sabado sa kaadlawon, si Deputy Provincial Director for Administration Police Lieutenant Colonel Melbert Esguera mihimog kinalit nga inspection sa mga police station sa amihanang bahin sa lalawigan sa Sugbo.
Adunay mga police station nga wa makita ang deployment sa mga personnel.
Sa iyang pag-abot sa Siyudad sa Danao alas 4:00 sa kaadlawon, iyang naabtan ang usa ka pulis nga natulog.
Pagka alas 4:42 sa buntag, duha ka mga pulis sa lungsod sa Catmon hinanok sa pagkatulog wa makabantay sa pag-abot ni Esguera.