Lowry mi-withdraw sa Team USA

NAKUHAAN na usab og dekalibring player ang defending champion Team USA human nga mi-withdraw na usab si Kyle Lowry sa NBA champion Toronto Raptors alang sa Fiba World Cup nga ipahigayon ug sugdan karong Agusto 31 didto sa China.

Matod ni Lowry nga ang operasyon sa iyang kumagko nga na-injured maoy hinungdan nga wala gyud siya makaapil og ensayo sulod sa korte.

Nagtuo siya nga makaapil na sa ensayo kagahapon sa dihang nagpraktis na ang team didto sa El Segundo, California.

Apan human nakigkita sa iyang doctor, nasayran nga dili pa gyud siya andam nga moduwa.

Ang maong injury iyang nakuha atol sa championship playoffs batok sa Golden State Warriors sa niaging season.

“I was hoping to be available in time to help my country in their quest for gold in this upcoming tournament,” matod ni Lowry sa iyang Instagram. “I love playing for USAB but I have to sit this one out and support the team from home.”

Tungod niini, mikunhod na lang ngadto sa 15 ka mga players ang pagapili-an alang sa 12 ka spot sa Team USA. (JBM)

Related Stories

No stories found.
SunStar Publishing Inc.
www.sunstar.com.ph