ANG pangulo sa Philippine Football Federation nga si Nonong Araneta maoy gitudlo nga Chief of Mission sa nasod alang sa 2020 Tokyo Olympics.
Kini maoy gipahibawo ni Philippine Olympic Committee president Bambol Tolentino kagahapon atol sa POC General Assembly nga gipahigayon sa Diamond Hotel sa Manila.
Moabot ngadto sa 35 ka representatives sa nagkalainlaing national sports association ang mitambong sa panagtigom uban nila ni International Olympic Committee representative sa Pilipinas nga si Mikee Cojuangco-Jaworski ug sa iyang gisundan nga si Frankie Elizalde.
Si Araneta maoy mo-supervise sa preparasyon ug partisipasyon sa mga atleta sa maong kompetisyon diin mosuway paglabni ang nasod sa unang Olympic gold.
Bisan tuod og nasurprisa sa iyang pagaktudlo sa maong puwesto, gipasalig ni Araneta nga iyang buhaton ang tanan alang sa kaayohan sa nasod ug sa atleta sa kinatibuk-an.
Gikatakdang motambong si Araneta sa lima ka adlaw nga meeting sa mga Chief of Missions sa mga nasod didto sa Tokyo, Japan sunod semana. (JBM)