MIDANGOP sa Sta. Ana Police Station ang usa ka 24-anyos nga dalagang call center agent kay iyang ireklamo ang iyang ka-boardmate dihang iyang nasakpan nga gikawat ang iyang hinayhay nga panty.
Mireklamo mao si Sheila (bansagon gitago), usa ka call center agent sa sikat nga business process outsourcing (BPO) sa Davao City, residente sa Barangay Ubalde, Agdao District ug taga Caraga, Davao Oriental.
Gisaysay ni Sheila nga iyang naaktuhan ang iyang ka-boardmate nga si Julius, 19-anyos, estudyante sa kursong Engineering ug taga Digos City.
Giingon nga dihang paggawas ni Sheila sa iyang kuwarto, iyang nasakpan si Julius nga maoy pagbira sa iyang panty nga hinayhay.
Perteng sukoa ni Sheila ug iya kining gisumbag kinsa dali ra sab nga misulod sa kuwarto ang lalaki samtang ang panty nabilin sa salog.
Saysay ni Sheila sa kapulisan nga iya nang natubag ang dugay na niyang pangutana sa kaugalingon kay mangawala ang iyang panty nga gihayhay.
Sumala pa nga dili hinuon matag adlaw mawala ang panty sa biktima, apan mahitabo gyud nga mawala kausa sa usa ka semana.
Gipahimangnoan sa kapulisan ang biktima nga modangop sa barangay aron didto una sila maghusay.