Mga staff ni Radaza nag-opisina sa gawas

PADAYON SA TRABAHO. Wa makabalda sa trabahuon bisan nga gitaptapan og bungbong ang buhatan ni Kongresista Paz Radaza nga nahimutang sa Lapu-Lapu City Hall, padayon ra gihapon ang iyang mga staff sa ilang trabaho. (Alan Tangcawan)
PADAYON SA TRABAHO. Wa makabalda sa trabahuon bisan nga gitaptapan og bungbong ang buhatan ni Kongresista Paz Radaza nga nahimutang sa Lapu-Lapu City Hall, padayon ra gihapon ang iyang mga staff sa ilang trabaho. (Alan Tangcawan)

NAGPADAYON sa pagtrabaho ang mga staff ni Kongresista Paz Radaza, lone congressional district of Lapu-Lapu sa kaduhang andana sa Lapu-Lapu City Hall, kagahapon, Agosto 13.

Apan ning higayona sa gawas na nga bahin sa buhatan sa kongresista sa dihang gitaptapan na og tabla ang maong opisina.

Gibaatan og kadena nga adunay kandado ang bahin sa maong kahoy nga gibungbong hunungdan nga wala gyuy tsansa ang mga staff sa kongresista nga maka-access sa sud nga bahin niini.

Nasayran ang pagtaptap sa opisina sa kongresista niadtong Lunes, Agosto 12 pinasubay sa kamandoan ni Lapu-Lapu City Mayor Junard “Ahong” Chan human nga nakadawat sa opinyon gikan sa Department of Intertior and Local Government (DILG) nga walay katungod si Radaza nga magtinir sa iyang buhatan sa ikaduhang andana sa city hall gawas kon tugotan ni Chan.

Gihimong basehanan sa opinyon sa DILG mao nga ang ordinansa nga gibasehan ni Radaza sa iyang pag opisina sa city hall depektuso gumikan kay wala kini mapublikar.

Ang mayor usab matod pa ang mahimong makahatag og opisina sa city hall ug dili ang konseho nga maoy nahitabo sa opisina ni Radaza.

Apan matod ni Atty Kim Castro ang legal counsel ni Radaza nga walay katungod si Chan sa pagpahawa kanila sanglit dili makapa-walay bili ang ordinansa sa dakbayan sa opinyon nga gikan sa DILG.

Dili usab tinuod nga wala mapublikar ang ordinansa sa dakbayan nga maoy unod sa opinyon sa DILG sanglit napublikar kini niadtong Hulyo 4 sa duha ka lokal nga pamantalaan, dili Sunstar o Superbalita.

Gawas niini gipasabot ni Castro nga adunay naka-ung ong nga kaso sa korte kalabot sa maong kontrobersiya sa dihang gipasakaan og reklamo si Radaza og kasong annulment of city ordinance No. 14-200-2019 lakip na nila ni Konsehal Gregorio Paquibot Jr., Marcial Ycong, Flaviano Hiyas Jr., Ricardo Amores, Eduardo Cuizon ug Laika Tampus sa Regional Trial Court RTC Branch 70.

Tulo ka indibidwal nga sila si Teobanes Patalinghug, Humprey Elvira ug Abzyl Bechayda nagsilbing reklamante sa nahisgutang kaso nga gisang-at niadtong Hulyo 10.

Ang naasoyng kaso padayon pang gidungog ug niadtong milabayng Hwebes, Agosto 8 napakyas pagkuha ug preliminary mandatory injunction sa korte ang mga kihante.

“We have the right to hold office here, we have a city ordinance that has continues to be valid and there is no court order that says it is invalid” matod ni Castro.

Ang city legal officer sa dakbayan nga si Atty James Sayson sa iyang bahin mipadaplin sa pangangkon ni Castro sanglit alang kaniya walay gipasakang kaso ang dakbayan batok ni Radaza kalabot sa opisina niini.

Wala usab gikiha ang dakbayan ni Radaza kalabot gihapon sa naasoyng opisina.

Ang mga nahisgutang indibidwal nga mipasaka og kaso batok kang Radaza hayan wala nay labot ang dakbayan niini.

Klaro matod pa ang opinyon sa DILG nga dili balido ang padayong pag-opisina ni Radaza sa city hall busa angayan gayud siyang mopahawa na ug dili na mogamit bisan sa espasyo sa city hall nga anaa gawas sa opisina sa gitaptapang opisina sa kongresista kay makabalda kini sa mopahigayon ug transaction.

“Well if that will be the case then let the people decide it’s up to the people if they want to keep electing this kind of leader nga defiant it’s up to them. Basta as far as we are trying to resolve everything peacefully and within the bounce of the law” matod ni Sayson.

Nasayran nga sagad sa transaction sa Oponganon sa buhatan ni Radaza mao ang pagpangayo ug medical assistance, pagoangayo ug endorsement alang sa mga government internship program, Tupad (Tulong Pang hanapbuhay sa ating displaced/disadvantaged workers) program sa Department of Labor and Employment Dole, Skills training sa Technical Education Skills Development Authority TESDA ug financial assistance usab alang sa Commission in Higher Education CHED.

Aduna sab laing lamesa nga gibutang sa kampo ni Mayor Chan nga gitapad sa mga lamesa sa mga staff ni Radaza, nga nagsilbing public assistance booth nga mogiya niadtong adunay transaction sa city hall. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph