SUPERBALITA CEBU

Mga pamilya nga namatyan sa Ermita gitunulan og hinabang

LUBONG: Sila si Mayor Edgardo Labella (ikaduha gikan sa wala) ug Bise Mayor Michael Rama (wala) mingtambong sa misa sa lubong sa pito ka mga biktima sa lunod sa Guimaras nga gipahigayon sa Our Lady of Mt Carmel Parish sa San Jose Recoletos,eskina Magallanes ug Leon Kilat st,Cebu City. Ang pito gipanglubong niadtong Lunes sa sementeryo sa Carreta. Ang Siyudad miabaga sa galastuhan sa paglubong. (Amper Campaña)

GIHATAGAN og financial assistance ni Senador Juan Miguel “Migz” Zubiri ang pamilyang Baguio ug Janson sa Barangay Ermita, Dakbayan sa Sugbo nga namatyan sa ilang mga sakop atol sa pagkalunod sa motorbanca sa kadagatan sa Guimaras niadtong Agusto 3, 2019.

Apan wa makatunga ang senador, inay ang iyang suod nga higala ug political officer nga si Ernest Herrera II ang nitunol og tag P5,000 alang sa matag biktima.

Ang pagtugyan gisaksihan ni Ermita Barangay Captain Mark Miral nga gisaksihan sa pamilyang Baguio ug Yanson.

Siyam ka mga sakop sa pamilya ang namatay, pito kanila nga gidala dinhi sa Sugbo gilubong niadtong Lunes.

Ang laing duha nga nangamatay, amahan ug anak, didt o na gilubong sa Guimaras.

Ang mga biktima gilubong na niadtong Lunes, diin ang requiem mass gitambungan nila ni Mayor Edgardo Labella, Bise Mayor Michael Rama ug gatusan ka mga residente sa Ermita.

Matod ni Herrera nga nibati og kaluoy si Zubiri sa mga biktima sanglit ang senador adunay dugo nga Cebuano ug Ilonggo. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph