SECTIONS
Friday, August 23, 2019
SUPERBALITA CEBU

P2.45B bayad sa SRP toa sa korte, pahibawo sa Filinvest

ANG Filinvest Land Inc. nipahibawo sa Cebu City Council nga ilang gitugyan sa korte ang P2.45 bilyones nga ilang bayad alang sa 19.2 ektaryas nga yuta sa South Road Properties (SRP) nga ilang napalit niadtong 2015.

Kini human wa gidawat sa administrasyon ni Mayor Edgardo Labella ang tseke nga nakabutang ang kantidad niadtong katapusang semana sa Hulyo.

Niadtong Agusto 2, nipadala og suwat ang FLI pinaagi ni Venus Mejia, senior vice president , treasurer ug chief finance officer para pormal nga ipahibawo sa City Council nga pinangulohan ni Vice Mayor Michael Rama nga gi-consigned nila sa korte ang ilang katapusang bayad sa P6.8 bilyones base sa deed of sale niadtong Agusto 7, 2015.

Si Majority floor leader Konsehal Raymond Garcia nitugyan sa suwat sa FLI ngadto sa City Legal Office ang buhatan ni Atty. Rey Gealon ug City Administrator Floro Casas Jr., alang sa tukmang lakang nga himuon sa City Government.

Niadtong Hulyo, si Atty. Jose Daluz III, special assistant to the mayor ug SRP manager, nagkanayon nga tahuron ug ilhon ni Labella ang kagustohan sa FLI niadtong 2016 nga i-rescind ang kontrata .

Kini human nimando si kanhi mayor Tomas Osmeña nga kanselahon niya ang kontrata sa mga nakapalit sa 46 ektartas nga luna gibaligya atol sa administrasyon ni Rama.

Usa sa mga nakapalait mao ang FLI.

Ang developer niingon nga ilang i-rescind ang contract samtang wa manumbaling ni Osmeña ang SM ug Ayala Land nga nag-consortium sa 26 ektarya nga yuta sa SRP. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph