WALA gidahom ni United Arab Emirates (UAE) Ambassador to the Philippines Hamad Saeed Al-Zaabi, UAE Ambassador, nga sa iyang pagbisita sa probinsya sa Misamis Oriental iyang nakita ang kamalambuon sa lalawigan.
Sa pag-abot niini sa lalawigan, nagkortesiya kini ngadto kang Misamis Oriental Governor Bambi Emano si Al-Zaabi ug dinhi iyang gipaabot sa gobernador nga kaduha na siya nakaanhi sa pulo sa Mindanao ug iyang gituohan nga ang siyudad lamang nga bahin sa pulo ang malambuon apan sa pagtungtong niini sa probinsya iyang nakita nga daghang progresibo nga lugar sama sa probinsya.
Dugang ni Emano nga itinerary ni Al-Zaabi mao ang paghatod og 19 ka baka alang sa mga apektado sa niaging giyera sa Marawi City usa gyod mihidangat dinhi sa lalawigan. Nakasuroy pa kini sa Agutayan Island usa dayong nagkortesiya kaniya.
“Nabuksan akong mata nga daghan paman diay probinsya sa Mindanao labina ang Misamis Oriental nga develop kaayo,” pagsaysay ni Emano nga sulti sa ambahador. Bout niining mahimong kabahin ang lalawigan sa negosyo nga mahatod gikan sa lalawigan ngadto sa ilang nasod samtang prudokto sa ilang nasod nga mahatod sab sa lalawigan labina daghan sa mga Overseas Filipino Workers (OFW) nga gikan sa Rehiyon 10 ang nanarbaho sa UAE.
Atol sa courtesy call gipresentar sa nagkalain-laing ahensya sa gobyerno ug pribadong ahensya ang hiyas ug oportunidad nga anaa sa lalawigan kon asa sila si Mr. Stanley Uriarte- Provincial Planning & Development Coordinator (PPDC) ang mihatag og presentation on Investment Profile, nga gisundan gilayon sa spontaneous nga presentations gikan kang Ms. Almer R. Masillones- Provincial Director, DTI – Misamis Oriental, Mr. Ruben A. Vegatria- Adviser, Oro Chamber Past President sa Promote CDO, ug ni Mr. Rey Felix R. Salva- Planning Officer, Philippine Veterans Investment Development Corporation (Phividec).
Anaa usab ang presensya sa mga opisyales sa LTFRB, Business Dev’t., Board of Investment (BOI), ug mga UAE Staffs nga kauban ni UAE Ambassador to the Philippines Al-Zaabi.