Kanhi pulis patay sa tulis

KINSAY NAKAPATAY? Naghigda sa scooter si kanhi PO2 Jobie Libradilla Antipolo nga napusilan patay human giingong siya ug wa mailhi niyang kauban mingtulis sa usa ka security guard sa may Barangay Tisa, Dakbayan sa Sugbo pasado alas 2 sa hapon sa Martes, Agusto 13, 2019. Nailhan si Libradilla pinaagi sa iyang identification (ID) card. Wa pa matino kinsa ang nakapusil. (Tampo ni Jessie Campos)
KINSAY NAKAPATAY? Naghigda sa scooter si kanhi PO2 Jobie Libradilla Antipolo nga napusilan patay human giingong siya ug wa mailhi niyang kauban mingtulis sa usa ka security guard sa may Barangay Tisa, Dakbayan sa Sugbo pasado alas 2 sa hapon sa Martes, Agusto 13, 2019. Nailhan si Libradilla pinaagi sa iyang identification (ID) card. Wa pa matino kinsa ang nakapusil. (Tampo ni Jessie Campos)

NAMATAY ang usa ka usa ka kanhi pulis nga gituohang ningtulis sa usa ka head guard sa dan Sapphire sa Sta. Teresita Village, Barangay Tisa, Dakbayan sa Sugbo, Martes sa alas 2:30 sa hapon, Agusto 13.

Sila si kanhi PO2 Jobie Antipolo ug kauban niini nga wa pa mailhi giingong nag-angkasay sa usa ka scooter dihang ningtulis kang Edwin Velos, sakop sa Sarsalejo Security Agency.

Si Velos nagsakay sa iyang motorsiklo aron unta manuweldo sa iyang kaubanan dihang giingong gipusil nila ni Antipolo.Natumba ang motorsiklo ug si Velos human maigo sa likod.

Usa ka wa mailhing tawo sa dapit ang giingong namusil sa duha ka mga tulisan, nga nakaigo kang Antipolo ug kauban.

Si Antipolo namatay diha-diha samtang ang iyang kauban bisan kon samdan nakasibat dala ang motorsiklo ni Velos.

Giingon nga naa sa U-box sa motorsiklo ni Velos ang kwarta nga P500,000, apan giingong P300,000 na lang kay nasweldo na ang uban.

Matod ni Police Major Henrix Bancoleta, hepe sa Labangon Police Station, si Velos head security officer sa Deca Homes sa Barangay Labangon. Naa sa talandugon nga kahimtang si Velos sa usa ka ospital.

Naghuwat

Matod ni Tisa barangay konsehal Jessie Campos nga nabantayan na sa mga tawo sa dapit sila si Antipolo ug kauban nga nag-atang na sa dapit pasado alas 11 pa sa buntag.

Pagka alas 2:30 sa hapon, buto-buto sa armas ang nadunggan sa mga tawo.

Ang usa sa mga tulisan niilog sa usa ka motorsiklo nga gimaneho ni Velos.

“Alas 11 pa kuno sa buntag diha sa may Arvees Bakeshop, nag-atang na kuno, nya nagsigig tawag sa telepono ana, murag nagpaabot ba,”asoy ni Campos sa Superbalita Cebu.

Sa paghiling sa mga sakop sa Scene of the Crime Operation (Soco) ni Antipolo, kinsa nag-angkas pa sa scooter, nakakuha silag identification (ID) card sa Philippine National Police nga naka pangalan kaniya.

Nasuta sa record sa Police Regional Office 7 nga ang katapusang assignment ni Antipolo sa Sogod Police Station apan nag absent without official leave (AWOL) na sukad niadtong 2016.

Human mahibaw-i ni Bancoleta pinaagi sa pamahayag sa mga saksi nga ang tulisan nga nikuha sa motorsiklo ni Velos naigo sa lawas, gipa-monitor niya ang mga tambalanan kon aduna bay nalandig.

“Ang information naigo daw tong usa mao to among gipa check ang mga hospital. Basin naay nagpatambal nga naigo sa pusil,” matod ni Bancoleta.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph