Lonzon: Dunay terror attack

KON dunay dili motuo sa nadawat nga report sa National Bureau of Investigation ( NBI ) nga dunay himoong terror attack sa Northern Luzon , dili kini angayang kompiyansaan.

Matod pa, ang mga lugar mao ang Laoag City, Vigan City, Tuguegarao, City ug Manawag sa Pangasinan.

Kay dugay na nga nakasud sa Pilipinas ang grupo sa mga terorista sama sa ISIS alang sa paghimo niini ilabi sa suicide bombing.

Ang wa motuo kay nagduda nga tumong ug tuyo niini alang sa pagdeklarar og martial law sa maong lugar hangtod nga mokatap na sa tibuok Pilipinas.

Di sab hinuon ta makabasol sa mga nagduda tungod sa dagan ug mga pamaagi sa kasamtangang pang-gobyerno.

Sama sa, matod pa, paggukod sa mga kontra sa pulitika ug bokal nga tigsaway sa pamaagi sa gobyerno ni Presidente Rodrigo Duterte, labi na

sa pagpasaka og kasong sedition ni Bise Presidente Leni Robredo, kaalyadong pulitiko, kadagkoan sa simbahan ug uban pa.

Apan dili magdali sa mga pagduda basin og adunay kapasikaran ang NBI sa nakuha nilang report.

Gani duna naman hinuoy gihimong pag-validate sa Philippine National Police ( PNP ) ug Armed Forces of the Philippines ( AFP).

Election sa 2022

Media sa Sugbo, nakatambong sa pagwali atol sa mesa nga gipasiugdahan ni Senador Manny Pacquiao.

Si Pacquiao, usa na ka pastor sa Born Again nga gipahigayon sa Grand Ball sa Waterfront Hotel and Casino sa siyudad sa Sugbo.

Usa ako sa nakatambong sa grupo sa media sa pagtuo alang sa pakigtagbo ni Pacquiao alang sa usa ka press conference.

Apan base sa pamahayag sa akong mga kauban sa media, wa magmahay nga nakatambong sa misa ni Pastor Pacquiao kay daghang pagtulun-an ang nakat-anon sa bibliya.

Human sa kalihukan na-interview si Pacquiao sa mga tigbabalita. Usa sa mga nahisgutan ang pagdagan sa pagka presidente ug bise presidente sa Pilipinas, alang karong 2022 nga election.

Matod ni Pacquiao aduna pa siyay termino alang sa pagka senador. Apan kon itugot sa Diyos nganong iya mang balibaran.