SECTIONS
Wednesday, August 21, 2019
SUPERBALITA CEBU

P22 milyon shabu, marijuana nasakmit

NASAKMIT sa kapulisan ang P22.4 milyunes nga balor sa illegal drugs sa managlahing mga operasyon sa managlahing mga dapit sa Sugbo.

Niadtong Martes sa hapon, Agusto 12, nasikop sa mga sakop sa Police Drug Enforcement Group pinangulohan ni Police Lieutenant Colonel Glenn Mayam, inabagan sa Philippine Drug Enforcement Agency 7 (PDEA 7), City Intelligence Branch (CIB) ug City Drug Enforcement Unit (CDEU) sa Cebu City Police Office (CCPO) ang usa ka sakop sa dakong drug group.

Ang nasikop giila nga si Raffy Abaya, 23, lumad nga taga Sitio Laguna, Barangay Lorega San Miguel, apan kasamtangang nagpuyo sa lugar diin siya nadakpan.

Nakuha gikan kaniya ang 1.2 kilos nga gituohang shabu nga gibana-bana nga mobalor P8.1 million.

Matod ni Mayam nga mga duha ka buwan nila nga gipanid-an si Abaya human nigawas ang iyang ngalan sa nanglabay nga anti-drug operations.

Human nila makuha ang cellular phone number pinaagi sa iyang police asset, ilang gi-negotiate nga mopalit silag 200 gramos nga shabu.

Alas 5 Martes sa hapon, Agusto 13, nisugot kini nga mohatag sa gi-order nga illegal nga drugas.

Human matunol ang butang, nipaila dayon ang usa sa mga operatiba nga siya pulis.

Naa silay nakuha nga mga dokumento nga magmatuod unsa ka dako nga drug player si Abaya samtang ang iyang amo naa sa sulod sa bilanggoan.

Marijuana

Tinguha sa kapulisan sa Probinsiya sa Sugbo nga limpyuhan ang kabukiran nga dunay mga plantasyon sa marijuana.

Niadtong Martes sa buntag, sila si Police Lt. Col. Rene Kyamko, Cebu Provincial Police Office (CPPO)-Provincial Intelligence Branch (PIB) chief, mga kauban sa Philippine Drug Enforcement Agency (PDEA) 7 ug Danao police, nakaibot og 35,850 ka mga punoan sa marijuana.

Ang mga tanom nga naibot gikan sa duha ka bukirang mga barangay sa Dakbayan sa Danao mobalor og P14.3 milyunes base sa Dangerous Drugs (DDB) value.

Si Kyamko, nga nahinabi sa Superbalita Cebu, nagkanayon nga ang Brgy. Langosig ug Brgy. Licos maoy ilang gironda.

Sumala ni Kyamko nga dungan nilang gipanglarot ang mga marijuana.

Ang usa ka plantasyon nahimutang sa Sityo Tuhog, Brgy. Licos, diin si Police Lt. Col. Maribel Getigan, hepe sa Danao police, ang nangulo pag-ibot sa 10,000 kapin ka punoan sa marijuana.

Nasikop nila sila si Benjie Saldr Depositario, Inicentes Juntil Depositario, Bertin Salde Depositario ug Melvin Salde Depositario, kinsa nakuhaan og kalibre .45 nga pistola ug pito ka mga bala.

Si Kyamko nibutyag nga sa ilang area sa Brgy. Langosig, ilang nakuha ang 25,000 ka fully grown nga punoan sa marijuana.

Ilang napusasan sa akto nga nag-amoma sa mga tanom sila si Jay Basalo ug Jhosar Basalo Acidillo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph