SECTIONS
Saturday, August 24, 2019
SUPERBALITA CEBU

Ayaw pataka’g dawat og gasa: Sinas sa pulis

(SunStar file photo)

BISAN sa pamahayag ni President Rodrigo Duterte nga walay problema kung ang mga pulis modawat og gasa, apan hepe sa Police Regional Office (PRO) Central Visayas Police Brigadier Debold Sinas niingon nga angayan gihapon nga pilion kung kinsa ang naghatag sa maong gasa.

Matod ni Sinas, walay dautan sa pagdawat basta gikan lang kini sa usa ka tawo nga wala maghimog ilegal nga binuhatan apan kinahanglan nga magmatngon ang mga pulis sanglit dinhi magsugod ang kurapsyon.

Iyang gipasabot nga dili malikayan nga adunay mga tawo nga sobra ang kalipay nga gibati human masulbad ang usa ka krimen mohatag kinig pahalipay sa mga pulis nga naghimo sa ilang trabaho.

“Tinuod baya to just practicality but just be careful kase its the start corruption. Naa kase instances na ang biktima kanang sobra sa kalipay nga na solve tong case nila usually they give to the police, sometimes ma offend sila kung dili nimo dawaton. Sa akoa pwede pero discernment kung takagang from the heart dili gi demand.” pasabot ni Sinas.

Wala siya modasig sa iyang mga sakop nga modawat na sa tanang gasa nga ihatag kanila apan kinahanglan nga mag bantay.

Dili usab angayan nga abusaran sa kapulisan ang pag dawat sa mga gasa basin dili na hinuon kini mo trabaho kung wala nay bayad nga magpaabot kanila.

Samtang, giklaro usab ni Sinas nga ang PRO 7 hugot sa ilang baruganan nga dili modawat sa kwarta gikan sa drugas ug ilegal nga sugal.

Tubag kini sa pamahayag ni President Duterte nga mahimo ra sila nga maka kwarta sa video karera.

Matod niya nga ang video karera gipang dakop kini sa Central Visayas sanglit naa dinha magtapok ug paboritong duwaan sa mga tawo nga nalambigit sa illegal nga drugas.

“Kita wala na tay problema sa video karera lalo na diri sa Metro Cebu kay gipang dakop man na nato we have already prove it to the public pag naa nang video karera lalo na pag daghan diha mag stambay ang mga nag drugs,” dugang ni Sinas.

Mando niya sa iyang mga sakop nga hutdon sa pag ikop ang tanang matang sa illegal sugal sama sa video karera, hantak, ilegal swertres ug small town lottery STL samtang wala pa gibalik sa psco ang operation niini.

Ang kontrobersya bahin sa gasa misibaw tungod sa nagkaduol na sab nga pasko. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph