GIPAHUGYAW ni Adones Aguelo ang mga tawo sa dihang iyang gi-knockout si Jimmy Borbon niadtong Martes, Agusto 13, sa ilang sinukliay sa kumo ibabaw sa ring didto sa Maasin City Sports Complex.
Lumad nga taga Maasin apan didto ania magbasihan sa Sugbo, si Agueli mipahagsa ni Borbon sa naghinapos nga bahin sa fourth round ginamit ang mga body shot.
Iya kining gitapos sa sunod round human niya paasuhi si Borbon sa iyang sunodsunod nga mga kinumo.
Ang 31-anyos nga Aguelo kinsa ubos karon sa pagdumala ni Brix Flores, nakabawi gikan sa iyang kapildihan ni Ju Wu, sa niaging duha duha na ka buwan. Siya misaka na karon ngadto sa 32-20-2 nga baraha diin 22 niini iyang gipang-knockout.
Sa undecard, gipildi ni Boyce Sultan (10-12-1, 5KOs) si Rufino Mante (9-21-2, 4KOs), midaog usab si Ryan Maano (4-9-2, 1KO) pinaagi sa unanimous decision batok ni Edyson Serrano (5-81, 4 KOs). (EKA, JBM)