SECTIONS
Sunday, September 22, 2019
SUPERBALITA CEBU

Pac-May 2 dugokon gihapon: Gibbons

SUKWAHI sa pangagpas ni Keith Thurman, dugokon gihapon sa mga tawo kon mahinayon ang rematch tali ni Manny Pacquiao ug Floyd Mayweather Jr.

Kini maoy gipabuhagay ni boxing legend Sugar Ray Leonard, 63-anyos, sa dihang na-interview sa TMZ Sports sa Cedric The Entertainer Celebrity Golf Classic sa Camarillo, California.

“It’d be a great fight. Put it this way, it should be done,” matod ni Leonard. “People will watch it. Would want to see.”

Sa niaging semana, si Thurman, 30, kinsa nagtinguha nga makig-rematch ni Pacquiao human kini mapildi ni Pacquiao niadtong Hulyo 20 pinaagi sa split decision, mipadayag nga wa nay ganahan nga motan-aw kon mag-rematch si Pacquiao ug Mayweather kay moresulta ra gihapon kini sa bati nga panag-engkuwentro, sama sa una nilang panagsangka.

Kon kahinumdoman, sa unang Pacquiao-Mayweather fight nga mibuak og mga records sa boxing sa tibuok kalibutan, kon ang kita ang hisgutan, daghan ang nasagmuyo tungod sa kabati sa away.

Kini tungod kay wa makapakita si Pacquiao og saktong katakos human ma-injured ang iyang abaga sa ikaupat nga round hinungdan sa unanimous niyang kapildihan.

Human sa kadaugan ni Thurman, target karon ni Pacquiao nga makontra og balik si Mayweather kinsa mipahibawo nga dili na siya mobalik pa og away.

Apan sa uwahing kalambuan, sa iyang Instagram gi-post ni Mayweather nga hinayhinay na siyang nag-ensayo ug mipahibawo nga andam na siyang mobalik, butang nga nakapaduda sa kinabag-an nga mahitabo gyud ang PacMay rematch. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph