SUPERBALITA CEBU

Tambagi ko Noy Kulas: Bitik sa batan-on

DEAR Noy Kulas,

I-hide lang ang akong name nga Jay, 38 years old. Ang akong problema kabahin ni sa akong lovelife o married life.

Minyo ko ug dunay usa ka anak. Puro mi maayo og trabahao sa akong asawa. Iyahay mi og gasto sa balay ug sa among anak kay puro mi maka-afford kaayo sa among lifestyle. Nagsugod ang akong problema dihang na-meet nako sa Facebook kining akong uyab karon nga 20 years old. Ni-friend request ni siya nako. Na-attract ko kay sexy kaayo. Usa ni siya ka single mother pero nagsige pa siya og eskwela.

Nag-date mi ug dunay nahitabo namo. Nahadlok ko kay basin momabdos siya pero nakapanagang na siya daan kay mahadlok siyang mausban. Karon, ako ang nag support niya sa iyang mga need kay nasakit ang iyang papa. Ang akong asawa nagduda na nako kay ang akong share sa gastuhan di na sama kaniadto. Usahay mao ni hinungdan namo sa among away.

Naluoy na man hinuon ko aning akong uyab kay di pareho sa uban, di siya demanding ug respectful kaayo. Makita nako ang ilang kalainan sa akong asawa. I think I’m falling for her. Please tabangi ko unsay akong buhaton.

JAY

Jay,

Mao na ang lisod nga mosulod og relasyon, maguba ang laing relasyon. Mao na ang giingon nga you can’t save two masters at the same time. Ang usa malain gyud samtang ang usa happy. Sama sa nahitabo karon. Kon imong pang palab-anan ang imong gibati karon, maanod ug ibanlas ka sa imong relasyon karon. Di ka na makabalik pa kon magpalabi ka. Mao ni ang nahitabo sa uban. Karon lang gani nagsugod ka na og compare niya ug sa imong asawa. Nagsugod na sab ka og ka luoy niya.

Mahimo ra man nga imo siyang tabangan minus the relatioship. But lisod tuod tangtangon ang relasyon kon magpadayon ang komunikasyon. Kon naa kanunay ang komunikasyon, lisod putlon ang relasyon kay mao man ni kanunay ang mopasilaob sa pagbati. Putla ang communication ninyong duha aron ka makasugod sa pagpalayo. Kon motabang ka niya, ipaagi og money transfer aron di mo magkita. Pagpalig-on sa kaugalingon inubanan sa pag-ampo ang imong gikinahanglan ani.

NOY KULAS


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph