SECTIONS
Saturday, August 24, 2019
SUPERBALITA CEBU

Task force gitukod sa pagsulbad sa baho gikan sa mga prisohan

ANG Cebu City Council niumol og task force para mosulbad sa grabeng kabaho sa hugaw sa tawo nga nangalisbo gikan sa New City Jail ug Cebu Provincial Detention and Rehabilitation Center (CPDRC) ug niapekto sa molupyo sa barangay Kalunasan kansang problema nagsugod niadtong tuig 2015.

Ang task force pangulohan ni Konsehal Nestor Archival isip chairman ug iyang ikauban silang konsehal Eduardo Rama, Joel Garganera, Renato Osmeña Jr., Jerry Guardo, Alvin Dizon, Raymond Garcia, Niña Mabatid ug Vice Mayor Michael Rama.

Sa privilege speech ni Archival niadtong Martes atol sa ilang regular session, ang Kalunasan gipaubos sa state of calamity para makapagawas og pundo ang City Government para aduna magasto pagsulbad sa problema.

Si Archival nagkanayon nga ang City Jail adunay 5,800 ka mga inmate ug dugang 2,448 gikan sa CPDRC nga mopagawas sa ilang hugaw matag adlaw didto sa kanal nga modagayday paingon sa sapa hinungdan sa pagpanimaho sa hugaw.

“There are 8,248 inmates had been found to discharge their waste daily at the open canal that runs through the Langob shrine,” padayag ni Archival human sa pakisusi nga gihimo sa City Health Department ug mismo ni Engr. Joel Biton sa Department of Public Services.

Gihangyo ni Archival ang DPS nga mohabwa sa hugaw kalima sa usa ka semana inay katulo nga maoy ilang kanunay gihimo matag semana.

Laing gihangyo sa konsehal mao nga gahinan og pundo nga P480,000 para sa paghabwa kaduha sa usa ka semana nga molanat og upat ka buwan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph