6 ka hepe sa MCPO gilahugay

UNOM ka mga hepe gikan sa unom ka mga estasyon sa kapulisan sa dakbayan sa Mandaue ug ubos ni Mandaue City Police Office (MCPO) City Director, Police Colonel Jonathan Abella, gikatakda nga ilahugay.

Dugay nang gilaraw ni Abella ang hingpit nga pag balhin sa mga hepe sa lain na usab nga assignment.

Kini tungod sa gidugayon na usab sa mga hepe sa paghupot sa maong pwesto.

Si Colonel Abella nga usa lang sab kini ka paagi sa pagpakita sa laing abilidad nila sa pagsugpo sa krimen o sa illegal nga kalihukan ilabi na batok sa ilegal nga drugas.

“Number of years na pod ni nila, nay uban lapas na sa duha ka tuig so mag reshuffle ta ako na sab ni girpopose sa Regional Police Office ug sa Mayor ug both of them gave a signal as long as good para sa city,” matod ni Abella.

Ang bag-ong mga assignment sa mga hepe base sa rekomendasyon sa placement board sa MCPO.

Sa bag-ong hepe sa assigned station: Police Station 1 mao si Police Major Ramil Judilla Morpos; Police Station 2 – Police Captain Marvin Benolirao Fegarido; Police Station 3 – Police Captain James Mosota Conaco; Police Station 4 – Police Major Michael Angelo Suico Beltran; Police Station 5 – Police Major Aldrin Villacampa; ug Police Station 6 – Police Major Hugo Rio Uy Ipong

Samtang ang hepe sa Police Station 2 nga si Police Major Antonio Rodilla Detuya mulingkod isip Deputy Commander for Operations sa City Mobile Force Company (CMFC).

Dugang ni Abella nga wala man hinuoy natala ang opisina sa MCPO mahitungod sa mga badlungon nga hepe.

Atol sa maong programa, giturn-over sa mga hepe ang mga dokumento ngadto sa mga muhulip kanila.

Mihatag usab ug mubo nga mensahe ang director sa tanang mitambong.

“In the station you should commit yourself 100% do the basic, what is required of us what is required of our President that our commitment to the Police Service is wholehearted,” matod ni Abella sa SunStar Cebu. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph