SUPERBALITA DAVAO

Binotelyang mga gasoline gipamaligya sa kadalanan

STA. CRUZ, Davao del Sur -- Mialma ang ubang molupyo sa lungsod human daw subling naghitak na sab ang pagpamaligya og ilegal nga mga gasolina sa kadalanan.

Matud ni alyas Mercy, 37, nabalaka siya nga moulbo ang sunog sa kabalayan tungod sa naghitak nga pagpamaligya og mga gasolina kilid sa Davao-Cotabato National Highway.

Gihulagway sab ni Adrian, 42, nga mga gibaligya nga gasolina gisulod lang sa botelya sa softdrinks bisan kon alang niya, gidili kini sa balaod.

Nanaghap ang mga nahisgutan nga gawas nga walay certificate of compliance, delikado sab sa seguridad sa katawhan ang maong negusyo.

Apan di lang sa nahisgutang lungsod naghitak ang maong negusyo apan apil na sa ubang kalungsuran.

Nasayran nga mas daghang habal-habal ug ubang motorista ang sagad mopalit og mga baligyang gasolina sa kadalanan kay mas barato ang presyo niini itandi sa mga gasoline station.

Sa lungsod sa Matanao, gibutyag ni alyas Gemma, namaligya og gasolina nga tag-P52 lang matag litro niini nga nakasulod sa botelya sa softdrinks.

Ug pagklaro niini nga dakong tabang na sa ilang panginabuhian ang negusyo sanglit kusog ang kita niini.

Apan, gidason niini nga mas maayong ibutang sa luwas nga lugar ang mga baligyang gasolina ug pasidan-an ang mga motorista nga di manigarilyo atol sa ilang pagpatubil. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph