MOBALOR sa P250,000 ang gitunol sa kagamhanan sa probinsya sa Misamis Oriental ngadto sa lalawigan sa Batanes.
Kini human niadtong Hulyo 27, usa ka 5.4 magnitude nga linog mihapak sa maong probinsya nga nagbilin og damyos sa mga struktura ug pipila mikalas sa kinabuhi.
Si Misamis Oriental Governor Bambi Emano nagpaabot og hinabang pinansyal ug miingon nga mas maayo na lamang ang motabang bisan sa gamay nga kantidad tungod kay dili sayon ang mabiktima.
“Bisan ug sa kagamay nga atong natunol, pero ato gihapon ng mga kauban mga Pilipino, and I really wanted to help so I look for money. So we will be depositing worth P250, 000 sa katong naapektuhan sa linog sa Batanes,” dugang niini.
Gani tungod sa nahitabo sa Batanes, gimando ni Emano ang buhatan sa Provincial Risk Reduction Management Department nga dili maghunong sa pagpahigayon og mga earthquake drills ug ilakip ang mga preschoolers aron kini ilang makat anon hangtod sa pag abot sa ilang hingkod nga pangidaron.